ԳԻՏԱՀԵՆ ՔՈՏԱՎՈՐՄԱՆ ԽՄԲԱԿՆԵՐ

Փորձնական փուլին համար ընտրուած են հինգ դպրոցներ՝ հիմնուելով հետեւեալ չափանիշներուն վրայ։

• Մաթեմատիկայի խոր գիտելիքներ ունեցող ուսուցիչի կամ մասնագէտի ներգրաւում՝ ճարտարագէտ-ուսուցիչի դերով։
• Միջին եւ բարձր դասարաններու աշակերտներու առկայութիւն՝ 7-րդէն մինչեւ 12-րդ դասարաններ։
• Աշակերտներու ներգրաւման ապահովում՝ երկու խումբ, իւրաքանչիւրին մէջ ութ աշակերտ։
• Կրթական միջավայրին համապատասխան դասասենեակի առկայութիւն՝ լուսաւորութիւն, սանիթարական եւ հիգիենային պայմաններ, կահաւորում, գրատախտակ եւ ջեռուցում։
• Աշխատող համացանցի առկայութիւն՝ լարային կամ անլար կապով։
• Տեղեկատուական եւ հաղորդակցական թեքնոլոժիական գործիքներու առկայութիւն՝ նուազագոյնը հինգ համակարգիչ եւ պաստառ կամ փրոժեքթըր։

• Համալսարանական կրթութիւն, նախընտրաբար՝ համակարգչային գիտութիւններու կամ բնագիտական բնագաւառին մէջ։
• Դասաւանդման փորձառութիւն, նախընտրաբար՝ ԲՏՃՄ (STEM) առարկաներու դասաւանդման փորձ։
• Ալգորիթմական մտածողութիւն եւ զայն գործնականին մէջ կիրառելու կարողութիւն։
• Գրաֆիկական ծրագրաւորման լեզուներու՝ ինչպէս Snap!, Scratch եւ Աղուէսի, իմացութիւն եւ անոնց հետ աշխատելու փորձառութիւն։
• Մանկավարժական եւ մեթոտական հմտութիւններ։
• Սորվելու, ուսումնասիրելու եւ փորձարկելու պատրաստակամութիւն՝ կառուցողական եւ բարեկամական մօտեցումով։
• Իրական կեանքի խնդիրներու շուրջ ամբողջական նախագիծներ իրականացնելու կարողութիւն։
• Փուլային ուսուցման, աստիճանական բարդացման, ուղղորդման եւ բացայայտման մեթոտներու կիրառում։
• Տարբերակուած եւ անհատականացուած ուսուցում կազմակերպելու կարողութիւն։
• Խաղային ուսուցման կիրառում եւ այլ առարկաներու հետ կապեր ստեղծելու կարողութիւն։
• Թեքնիկական խնդիրներ լուծելու հմտութիւններ եւ ստեղծագործական մօտեցում։
• Աշակերտներուն մէջ գիտութեան հանդէպ հետաքրքրութիւն եւ սէր սերմանելու ձգտում։
• Նորարարական եւ գիտութեան վրայ հիմնուած դասընթացքներ մշակելու եւ իրականացնելու պատրաստակամութիւն։
• Խմբակի աշխատանքները կազմակերպելու եւ կառավարելու կարողութիւն։
• Աշակերտներուն միջեւ խմբային աշխատանքն ու համագործակցութիւնը կազմակերպելու կարողութիւն։

Ուսուցիչներու ընտրութենէն ետք կը կազմակերպուի պարտադիր վերապատրաստում՝ անկախ անոնց նախապէս ունեցած հմտութիւններէն եւ գիտելիքներէն։

• Վերապատրաստման ընդհանուր տեւողութիւնը շուրջ 40 ժամ է։ Ան կը կատարուի երկու փուլով։
• Վերապատրաստումները կը կազմակերպուին «Անտրոհուս» Կրթական Հիմնադրամին կողմէ՝ առկայ ձեւաչափով։
• Վերապատրաստումը ձրի է։ Անոր կրնան մասնակցիլ միայն ծրագիրին մէջ ընդգրկուած դպրոցներու ուսուցիչները։

Խմբակները կը սկսին գործել, երբ հետեւեալ պայմանները բաւարարուած են։

• Հիմնադրամին եւ դպրոցին միջեւ համագործակցութեան յուշագիրը ստորագրուած է։
• Թեմատիկ ծրագիրը հաստատուած է հիմնադրամին եւ դպրոցին կողմէ։
• Ճարտարագէտ-ուսուցիչը վերապատրաստուած է եւ աւարտած է առաջին փուլը։
• Ճարտարագէտ-ուսուցիչին դասաժամերը ներառուած են դպրոցին դասաբաշխման մէջ։
• Խումբերը կազմուած են։
• Դասացուցակը պատրաստ է։
• Դասասենեակը տրամադրուած եւ պատշաճ կերպով կահաւորուած է։
• Աշակերտները տեղեկացուած են ծրագիրին մասին։
• Ծնողները տեղեկացուած են ծրագիրին մասին։